كلمة صغيرة

السلام عليكم و رحمة الله و بركاته

بدون مقدمات

احنا محتاجين نستعد دعوياً لرمضان

رمضان!!!

أيوة رمضان .. مافضلش عليه غير حوالي أربع شهور بس

الصحابة كانوا بيستعدوا لرمضان قبله بست شهور

                     

فاحنا محتاجين نستعد دعوياً و عبادة

لمعرفة المزيد ادخل هنــــا

بدون عنوان

فيه حاجتين قريتهم قبل كده لابن القيم رحمه الله

الكلمات دي جعلها الله عز و جل سبباً رئيسي في تغيير حياتي بشكل كبير بفضل الله .. أسأل الله بمنه و كرمه أن يتفضل علي بكمال هذا التغيير فقد اشتقت حقاً للحرية و أعلم أنها في كمال العبودية .. فاللهم ردنا إليك مرداً جميلاً و اجعلنا عبيداً لك كما تحب و ترضى .. قولوا آمين

الشيخ ابن القيم ده بجد مش عارفة أقول إيه .. شوفوا مات من كاااااااام سنة و لازالت كلماته اللهم بارك باقية و تتوارثها الأجيال و تكون سبباً في هداية الناس و كووووول ده في ميزان حسناته و هو ميت! ربنا يبارك ياااارب و ارزقنا من الخير الذي رزقته ياااااااارب

مش عارفة هل الواحد هايقدر يسيب أثر و لو عُشر اللي هو سابه في الدنيا؟

و لا هايعيش عيشة البهائم و يموت موتة البهائم ؟؟

  و الله ياليتنا كنا نبعث بعثة البهائم لكنت رضيت

لأن البهائم في النهاية هاتتحول لتراب !

المهم عشان ما أطولش اسيب الكلمات بس قبلها بفكركم بالكلام اللي قلناها في أول المدونة عن الإلتزام الحقيقي هنـــــــا

و بأكد على جملة إن الملتزم الحقيقي هو من يعمل بالإسلام و للإسلام

و العملين على بصيرة عشان لما يعبد ما يبتدعش و عشان لما يدعو يدعو صح و مايفسدش أكتر من كونه بيصلح

و الكلام ليا قبلكم ... ربنا يهديني يااااارب

..

(1)

من أعجب الأشياء أن تعرف الله ثم لا تحبه
وأن تسمع داعيه ثم تتأخر عن الإجابة
وأن تعرف قدر الربح في معاملته، ثم تعامل غيره
وأن تعرف قدر غضبه ثم تتعرض له
وأن تذوق ألم الوحشة في معصيته، ثم لا تطلب الأنس بطاعته
وأن تذوق عصرة القلب عند الخوض في غير حديثه والحديث عنه، ثم لا تشتاق إلى انشراح الصدر بذكره ومناجاته
وأن تذوق العذاب عند تعلق القلب بغيره, ولا تهرب منه إلى نعيم الإقبال عليه، والإنابة إليه


وأعجب من هذا علمك أنك لابد لك منه وأنك أحوج شيء إليه، وأنت عنه معرض وفيما يبعدك عنه راغب

(2)

قال تعالى‏:‏ ‏ «‏ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّـهَ لَمَعَ الْمُحْسِنِينَ » ‏سورة العنكبوت، الآية‏:‏ 29.

علق سبحانه الهداية بالجهاد، فأكمل الناس هداية أعظمهم جهاداً، وأفرض الجهاد جهاد النفس وجهاد الهوى وجهاد الشيطان وجهاد الدنيا، فممن جاهد هذه الأربعة في الله هداه الله سبل رضاه الموصلة إلى جنته، ومن ترك الجهاد فاته من الهدى بحسب ما عطل من الجهاد‏.‏

.......................

قال الجنيد‏:‏ والذين جاهدوا أهواءهم فينا بالتوبة لنهدينهم سبل الإخلاص، ولا يتمكن جهاد عدوه في الظاهر إلا من جاهد هذه الأعداء باطنا، فمن نصر عليها نصر على عدوه، ومن نصرت عليه نصر عليه عدوه‏

لا تنسوا !!

حملة الدفاع عن هوية مصر الإسلامية

بسم الله الرحمن الرحيم

تهدف الحملة إلى:

أولا: الدعوة لعدم المساس بالمادة الثانية من الدستور، فى التعديل الحالى أو أى تعديل لاحق.

ثانيا: تفعيل المادة الثانية من الدستور، من خلال تنقية كافة القوانين المصرية من كل ما يخالف الشريعة الإسلامية.

ثالثا: الكشف والرد على المغالطات والشبهات التى يسوقها أصحاب الدعوات العالمانية، كحجج لدعوتهم.

ادخل من هنـــــا للتوقع على هذه المطالب

وادع كل من تعرف فـ((إن الدال على الخير كفاعله))

ولا أشرف من هذه المطالب لندعوا إليها ونوقع عليها

منقول

لأ بإيدك! و كتير كمان(للنشر)

لعل كلنا شوفنا الأحداث اللي بتحصل في ليبيا
و يمكن البعض و هو بيسمع أو يشاهد الأخبار
يكون متأثر و حزين و يقول
ياريت بإيدي حاجة أقدمهالهم لكن مافيش

فعايزة أقول لأ بإيدك! و كتير كمان

بإيدك تدعيلهم .. و لا يستهان بالدعاء فهو سلاح ماض

بإيدك تتبرعلهم بأدوية أو فلوس و الناس تجيب بيها أدوية
و دي الأرقام
طنطا:
مسجد الفرقان - ش محمد فريد تقاطع حسن رضوان، هاتف رقم: 0163205254

القاهرة:
مسجد الرحمة - شارع الهرم - أمام فندق أوربا.
المعادي: هاتف رقم 0106505995

الإسكندرية:
مطار النزهة عزبة الرحمة بجوار مسجد أبي هريرة، هاتف: 0122398909- 01521193372 - 01515191059- 0144787707

الضبعة:
مسجد الفتح الإسلامي خلف قسم الشرطة، هاتف: 0102042042 - 0115558346- 0174317076.


و لو كنت طبيب ممكن تتطوع في السلوم لو تقدر
و سجل بياناتك عن طريق هاتف: 01524741749


و لو لقيت نفسك مش هاتقدر غير على الدعاء يبقى بإيدك توصل الرسالة دي لغيرك
يمكن يقدر يساعد بحاجة تانية و تكون في ميزان حسناتك

و في وسط ده كله ماتنشاش تحمد ربنا و تشكره إنه عافانا من اللي بيحصلهم

دي الأدوية اللي محتاجنها

أدوية العمليات

1- مضادات حيوية:
- سيثوتاكس اجم.
- فورثام اجم.
- سينفترباكسون اجم.
- فلاجيل فيال.
- جاراميسين 80 مجم أمبول.
2- أدوية تخدير:
- ماركسين فيال.
- لبدوكايين فيال.
- لبدوكايين سبراي.
- كيتولاك أمبول.
- فلوثان فيال.
- أيزوفلوران فيال.
- كتالار أمبول.
- أدرينالين أمبول.
- نور أدرينالين أمبول.
- أتروبين أمبول.
- نيوريل أمبول.
- ترايديل فيال.
3- محاليل:
- ماثيول 20%.
- جلوكوز 5%.
- جلوكوز 10%.
- جلوكوز 25%.
- ملح 0.9%.
- ريجرز أسيتات.
- هيستريل.
- صوديوم بيكربونات.
4- مطهرات:
- بيتادين مطهر.
- كحول أبيض.
- سايدكس.
5- أدوية:
- بيرف لجان فيال.
- باراموال أقراص.
- كيتوفان كبسول.
- فولتارين أمبول.
- كتافلام أمبول.
- لازكس أمبول.
- ديكارون فيال.
فورتاكورين أمبول.
- زانتاك أمبول.
- زانتاك أقراص.
- جاسترازول أقراص.
- ابيكوجيل شراب.
- لاكيتولوز شراب.
- كابوتين 25 جم أقراص.
- أنسولين مائي.
- برمبران أمبول.
- برمبران أقراص.
6- مسلتزمات طبية:
- أنبوبة قصبة "اندوتراكيال تيوب".
- كانيولا "ألوان مختلفة" + ثري واي 3 way.
- قسطرة بول فولي "مقاسات".
- قسطرة بول عادية.
- كيس جمع بول.
- أنبوبة معدة "رالي".
- mouth piece أنبوبة فم.
- بلاستر.
- قطن، شاش.
- رباط ضاغط - مقاسات.
- رقبة بلاستيك.
- حزام ساند للفقرات "القطنية - الظهرية".
- شدة فقرات عنقية.
- شدة جلدية غير لاصقة.
- جبس.
- خيوط جراحية مختلفة.
- سلاح مشرط.
- سرنجات مختلفة + سن ظهر spinal needle.
- راديفاك مقاسات.
- جيل فوم + شمع عظام.
7- مستلزمات جراحة + عظام + آلات جراحية + آلات تخدير

و دي التخصصات اللي محتاجنها

- جراحة عظام.
- جراحة عامة.
- جراحة أوعية دموية.
- جراحة مخ وأعصاب.
- جراحة مسالك.
- عناية مركزة.
- جراحة عيون.
- تخدير.
- تحاليل.
 ............
 قال رسول الله -صلى الله عليه وسلم-: (الْمُسْلِمُونَ تَتَكَافَأُ دِمَاؤُهُمْ يَسْعَى بِذِمَّتِهِمْ أَدْنَاهُمْ، وَيُجِيرُ عَلَيْهِمْ أَقْصَاهُمْ، وَهُمْ يَدٌ عَلَى مَنْ سِوَاهُمْ يَرُدُّ مُشِدُّهُمْ عَلَى مُضْعِفِهِمْ، وَمُتَسَرِّيهِمْ عَلَى قَاعِدِهِمْ لاَ يُقْتَلُ مُؤْمِنٌ بِكَافِرٍ، وَلاَ ذُو عَهْدٍ فِي عَهْدِهِ) (رواه أبو داود، وقال الألباني: حسن صحيح).
إخوة الإسلام في مصر الغالية..
رأيتم إخوانكم في ليبيا تسيل دماؤهم الزكية، ويفزع الآمنون في بيوتهم وطرقاتهم..
رأيتم الأحرار كيف يتكالب عليهم مَن لا يراعي فيهم عهدًا ولا ذمة..
رأيتم العزل وقد مزقت أجسادهم أسلحة ثقيلة وطائرات حربية..
إخوة الإيمان..
هبوا لنجدة إخوانكم بما تستطيعون.
هبوا لنجدتهم مما عافكم الله منه بمصر.
هبوا لنجدة آلاف الجرحي والمشردين ممن ينتظرون كل لحظة اللحاق بإخوانهم الشهداء.
لا أقل مِن تكاتف وتعاون على البر والتقوى، ودفع الضرر عن إخواننا المستضعفين بما نستطيع (وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ) (رواه مسلم

........
الحملة موجودة على موقع صوت السلف

مرافقة النبي عليه الصلاة و السلام في الجنة تستاهل قد إيه ؟ (للنشر)

موضوعنا مش مجرد موضوع عن اليتيم ,,

ومش هدفه إننا نرد بردين تلاتة " جزاكم الله خيرا "
وبعدين نشوف موضوع تاني نقراه !

موضوعنــــــــــــــــــا

●●● " إنتفاضة أيتــــــــــــــــام مصر "●●●





كلنا شفنا الناس إزاي دلوقتي بتطالب بحقوقها ,,

رافضة حد يظلمها ، أو حد يحرمها حقوقها، أو يسرقها، أو يهينها ، أو حتى يتجاهلها ...

أنت عارف تدافع عن حقوقك وتشتكي لما حد يظلمك أو يهينك أو يسرقك !

فلازم نسأل نفسنا من لهم ؟؟
من يدافع عنهم و يمسح دموعهم ؟
ومن يخفف عنهم ألم اليتم ؟





الطفل اليتيم طفل زي أي طفل ,,
طفل بريء محتاج حد يحبه ويهتم به ويرعاه ,,
طفل فقد حنان الأم ودفء الأسرة وأمان الإستقرار ..!




و إلي جانب إفتقاده للحب والرعاية وشعوره بالوحــــدة
يفتقد في دور عديدة للحياة الكريمة والمتطلبات الأساسية للحياة
إما لضعف الموارد وإما للفساد الإداري الذي للأسف لم تسلم منه بعض دور الأيتام !




مين ليهم لو كل واحد فينا انشغل بنفسه ؟!

أحنا عايشين في حياتنا ونسينهم ، ممكن نكتب موضوع أو اتنين
وبعدين ننسى كل حاجة ..!

" تعاطفـــــــــــــــــك لوحده مش كفــــــــــــاية "

أيام مستشفى السرطان كانوا رافعيين الشعار ده وعاوزين نرفعه تاني ,,




كثير بنبقى عاوزين نعمل خير ..

لكن

مش عارفين نعمل إيه ؟؟

عشان كده بإذن الله هتكون في حملات مستمرة في المنتدى

وأول حملـــــــــــة

هى حملة

●●● " إنتفاضة أيتــــــــــــــــام مصر "●●●

ومش معنى كده إنها مقتصرة على أيتام مصر وبس !
ولكن البداية هتكون من هنا ,,

فالحملة غير مقتصرة على أعضاء المنتدى ولا على دولة معينة
كل واحد منا ينشرها بأقصى إستطاعته
ليشارك بها أكبر عدد بإذن الله
والدال على الخير كفاعله




●●● لحظة قبل ما نبدأ ●●●

ممكن نشوف الموضوع ده
شارك في التغير ..بس اعرف هتغير إيه و هتتغير ليه ؟...

ونسأل نفسنا هنشارك ليه ؟

و ليه البداية بالأيتام ؟

( جدد نيتك فإنما الأعمال بالنيات )

** لنكون مع الرسول صلى الله عليه وسلم في الجنة

قال صلى الله عليه وسلم "أنا وكافل اليتيم في الجنة هكذا . وأشار بالسبابة والوسطى ، وفرج بينهما شيئا " صحيح البخاري

** لنزيل قسوة قلوبنا
فمجرد المسح على شعر اليتيم يزيل قسوة القلب

يروى أن رجلا شكا إلى رسول الله صلى الله عليه وسلم قسوة قلبه فقال " امسح رأس اليتيم وأطعم المسكين " حسن

وقال "أتحب أن يلين قلبك ، و تدرك حاجتك ؟ ارحم اليتيم ، و امسح رأسه ، وأطعمه من طعامك ، يلن قلبك ، وتدرك حاجتك" حسن

** ولننال رحمة الله فما أحوجنا إليها ..!

قال رسول الله صلى الله عليه وسلم
(إنما يرحم الله من عباده الرحماء) صحيح

** لتفريج كروبنا ومغفرة ذنوبنا

كلنا عندنا هموم ومشاكل كثير وذنوب كثير

قال صلى الله عليه وسلم "من نفس عن مؤمن كربة من كرب الدنيا ، نفس الله عنه كربة من كرب يوم القيامة . ومن يسر على معسر ، يسر الله عليه في الدنيا والآخرة . ومن ستر مسلما ، ستره الله في الدنيا والآخرة . والله في عون العبد ما كان العبد في عون أخيه " صحيح مسلم

** لنحصل على هذا الفضل العظيم

فنكون أحب الناس إلي الله ونفعل أحب الأعمال له
وننال الأجر العظيم كاعتكاف شهر في المسجد النبوي
وليثبت الله أقدامنا على الصراط يوم تزل الأقدام ..

قال صلى الله عليه وسلم " أحب الناس إلى الله تعالى أنفعهم للناس ، و أحب الأعمال إلى الله عز وجل سرور يدخله على مسلم ، أو يكشف عنه كربة ، أو يقضي عنه دينا ، أو تطرد عنه جوعا ، و لأن أمشي مع أخ في حاجة أحب إلي من أن اعتكف في هذا المسجد ، يعني مسجد المدينة شهرا ، و من كف غضبه ستر الله عورته ، و من كظم غيظه ، و لو شاء أن يمضيه أمضاه ملأ الله قلبه رجاء يوم القيامة ، و من مشى مع أخيه في حاجة حتى تتهيأ له أثبت الله قدمه يوم تزول الأقدام" صححه الألباني

** ولإن اليتيم طفل مش هيقدر يدافع عن حقوقه

مش هيعرف يشتكي ,,
فقط هو يتـــــــــــــــــــــــــألم في صمـــــــــــت..!

** وعشان نلحقهم قبل ما يضيعوا !

قبل ما التنصير يوصلهم أو كل صاحب فكر باطل يربيهم !
أو يهربوا من حياة رفضنيها ويخرجوا للشارع عشان يقاسوا أكثر ويبدأوا رحلة إعدادهم عشان يكونوا مجرمين !

وقتها ذنبهم هيبقى في رقبة مين ؟؟





●●● إيه المطلوب في الحملة ؟؟؟●●●

1* نشر الحملة بين أكبر عدد ممكن


● بنقل الموضوع على المنتديات
● وبإرسال الموضوع كإيميل لكل من تعرف و لكل الجروبات المشترك فيها
● ونشره على الفيس بوك وتم عمل صفحة للحملة عليه

● طباعته كورقة وتوزيعه

● بإرسال رسائل قصيرة sms عن الحملة ورابط المنتدى للمتابعة



2* التبرع ولو بالقليل لصالح الأيتام

والقليل لمن لا يملك إلا القليل ولكن لا تبخل

{هَا أَنْتُمْ هَؤُلَاءِ تُدْعَوْنَ لِتُنْفِقُوا فِي سَبِيلِ اللَّهِ فَمِنْكُمْ مَنْ يَبْخَلُ وَمَنْ يَبْخَلْ فَإِنَّمَا يَبْخَلُ عَنْ نَفْسِهِ وَاللَّهُ الْغَنِيُّ وَأَنْتُمُ الْفُقَرَاءُ وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ} [محمد : 38]

جمع الفلوس أنت وأصحابك وروحوا لدار الأيتام وأسألوهم عن إحتياجاتهم ، ممكن يكونوا محتاجين بطاطين ، لبن أطفال ، ...
وساعدوا بالقدر المتوفر معكم.

وجدد النية عارف ثواب الإنفاق إيه
ممكن يكون حل كل مشاكلك الدنيوية والإيمانية
الي مش لاقي لها حل !
مش مصدق !
شوف الموضوع ده هنا الحل لأغلب المشاكل اللى بنعيش فيها

طيب طالب ومش معاه فلوس !
يطلع ولو خمسة جنيه من مصروفه ويروح يجيب بيها بوبون أو بالونات للأطفال
ولو مفيش جنبه دار أيتام يحطها في صندوق الأيتام الي بيبقى موجود في المسجد

ويقول لغيره والدال على الخير كفاعله ..




3 * زيارة الأيتام

كل مجموعة أصحاب تتجمع مع بعض وتروح تزور دار أيتام
وخدوا معاكم شىء تدخلوا به السرور على قلبهم .



4* كفالة شهرية

مطلوب إن كل واحد يروح أقرب دار له ويطلب أنه يكفل طفل
ولو يدفع 10 أو 20 جنيه شهريا بس وكل واحد حسب إستطاعته
لعله بالعمل البسيط ده يكون رفيق الحبيب صلى الله عليه وسلم في الجنة .




5* خدمات للأيتام ...

الأفكار كثير وهنذكر البعض على سبيل المثال وليس الحصر


** إن كنت طبيبا فــــ

- يمكنك الإتفاق مع أصحابك والذهاب للدار كقافلة طبية للكشف على الإطفال ويمكن الإتفاق مع الدار بحيث تكون زيارتكم لهم دورية

-أن كانت عيادتك بالقرب من الدار فيمكنك الإتفاق معهم
بحيث يحضروا الأطفال للعيادة وتقوم بالكشف عليهم مجانا

** إن كنت صيدلانيا

- ممكن إعطاء عينات الدواء بإذن الشركة للدار
وخاصة الأدوية التي يحتاجها الإطفال كأدوية البرد والمضادات الحيوية والحساسية ,,,

- لو كنت تعمل بصيدلية بجوار دار أيتام أو تعرف وتثق بصاحبها
يمكنك عمل فكرة " ظرف الأيتام "
وذلك بتجميع مبلغ شهرى من معارفك وأصدقائك يتم وضعه بالظرف ويتم وضع الظرف بالصيدلية
وأى دواء يحتاجه الدار يذهب لصرفه من الصيدلية مجانا ويتم الدفع من الظرف

** إن كنت طالبا أو خريجا ولديك بعض الوقت

- يمكنك الذهاب مرة أسبوعيا للأطفال لتقص لهم قصة من قصص الأنبياء أو تعلمهم سنة من السنن .

- ويمكنك إعطاء دروس تقوية للأطفال الأكبر سنا
وأسأل نفسك اليتيم مين هيذاكر له !
أكيد هتلاقي مادة أو أكثر تقدر تدرس لهم .

** إن كنت تحفظ القرآن

- فيمكنك الذهاب لتحفيظ القرآن للأطفال بالدار ولو مرة أسبوعيا

** ربات البيوت

ممكن تجمعي أنتي وجارتك فلوس وتحضروا أكل شهي
وتروحوا تقضوا اليوم أنتم وأولادكم مع الأيتام


دي بعض الأفكار والأفكار كثير جدا
فلن تعجز عن المشاركة بإذن الله

●●● تذكــــــــــــــــــــــــــرة ●●●

متضعيش ثوابك ,,,,

إن هتعمل العمل ده لله فاعمله بشكل يرضي الله .

متسعدش اليتيم بحاجة تغضب ربنا !

ومتعلموش شىء غلط يكون في ميزان سيئاتك بدل ميزان حسناتك !




●●● إزاي هنتابع تحقيق أهداف الحملة ؟؟●●●

** عاوزين كل واحد يقرأ الموضوع يشارك معانا
و الرد هيكون بشىء واحد (( معكم إن شاء الله ))

(ومعكم )أقلها نشر الموضوع كما سبق والتبرع للأيتام حسب إمكانياتك ، وأكثرها كل واحد يشوف مرافقة النبي في الجنة تستاهل قد إيه ؟

** مطلوب كل شخص عمل أى عمل من الأفكار السابقة أو غيرها يكتب الى عمل إيه

فى موضوع
"متابعة إنجازات حملة " إنتفاضة أيتام مصر"

بقسم أسرار المحبين
(الأعضاء يسجلوا خروج الأول ثم يشاركوا كزائر)

وسيتم تجديد المشاركة الأولى بإستمرار لتجديد إنجازات الحملة


** كثير من المنتديات بيرفض روابط المنتديات الأخرى
فالي هينقل الموضوع فى أى منتدى يتابعه وينقل لنا إنجازات الأعضاء فى موضوع أسرار المحبين.



ياترى هنعمل إيه لمرافقة الرسول في الجنة ؟
كم جنيه سينفق ,,,
كم زيارة ستتم ,,
كم قافلة طبية ستقام ,,,
كم شخص هيبدأ مع الأطفال حفظ قرآن ,,,
كم درس تقوية سيبدأ ,,,
وكم كفالة شهرية ,,,


حول

دمـــــــــــــــــــعهم



إلي
إبتســـــــــــامة

لعلك تدخل بها " الجنة "




أي سؤال للإستفسار يطرح في هذا الموضوع
وسيتم الرد عليه هنا بإذن الله ..

مشاركتك خير لك ودافع لغيرك للمشاركة

والدال على الخير كفاعله ، فلا تحرم نفسك الأجر

ما الذي رفع قدره عند الله ؟(للتذكرة)

عايزين نفتكر مع بعض قصة طائر من باب التذكرة

هدهد سليمان عليه السلام .. أكيد كلنا عارفينه

هذا الهدهد ما الذي جعل شأنه يعظم عند الله و يخلد ذكره في القرآن إلى يوم الدين؟

نفتكر مع بعض قصته من القرآن

الهدهد جاء سيدنا سليمان عليه السلام و قال:

إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ

وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّـهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ

سبحان الله!

مع إن الهدهد زيه زي باقي الحيوانات في الآخر هايتحول لتراب

ليه شايل هم الدين كده يا هدهد على الرغم من إن لا ربنا وعدك بجنة و لا بحسنات لو احترق قلبك على هذا الدين؟؟

شوفوا قال إيه

أَلَّا يَسْجُدُوا لِلَّـهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ

سبحان الله! عشان أخرج له خبء .. يحترق قلبه على دينه ..  كيف هو يرزقني و هم يعصونه لابد أن يكون لي موقف

(مستفاد من مقطع دعوي)

طب احنا ربنا قدملنا إيه؟
أطعمنا كل يوم .. مش بس حبيتين شعير .. من ألذ ما تشتهي أعطاك .. أعطاك البصر و أعطاك السمع

عشان ما نطولش هاسيب كل واحد يفكر في نعم ربنا عليه

هذا فضلاً عن إن لينا ثواب كبير لو ربنا هدى بسببنا حد (لئن يهدي الله بك رجلاً خير لك من حمر النعم) أو كما قال صلى الله عليه و سلم

و ماتنسوش و انتوا بتفكروا في نعم ربنا - ده لو حد يعني اهتم مع إن سبحان الله التفكر ده عبادة لكن غفل عنها الكثير و ما أبريء نفسي - ماتنسوش إن من أكبر النعم دي إن ربنا من عليك بالهداية و معرفة المنهج الصح و الطريق الصح

فلعل من شكرنا للنعمة دي خصوصاً إننا ندل باقي الناس عليه
ماحدش يقول مايقدرش على الدعوة
لأن الدعوة مش بس في الخطب
الدعوة بكلمة
الدعوة بشريط أو كتيب او اسطوانة او مطوية
الدعوة بمشاركة غيرك بفكرة
الدعوة ممكن بفلوسك و غيرك ينفذ
ممكن بسيارتك توصل إخوانك لمجالس العلم

عايزين ندل الناس اللي حوالينا في شقتنا و عمارتنا و كليتنا و المنتديات اللي بندخلها على النت

و لازم دعوتنا ماتكونش بس في النطاق ده

أمال مين اللي هايوصل الدعوة للسواقين و البياعين ؟؟

من لهؤلاء إلا أنت يا من عرفت طريق الحق و سلكته؟

و لازم نفتكر دايماً إن كل منا على ثغر لا يمكن لأحد آخر أن يسده

و إخلاص النية طبعاً أهم حاجة

و خلي دايماً نيتنا أن تعبد كل الأرض بدين الله فلعلنا نبلغ بنياتنا – إن صدقنا – ما لا نبلغه بأعمالنا

مواقع + منتديات

فيه مواقع و منتديات جميلة أوي على النت و مفيدة جداً ما شاء الله

ده ملف فيه جملة منها لكن أكيد مش هي بس الموجودة و لله الفضل و المنة

اضغط هنا لمشاهدته أون لاين أو تحميله

فيه موقع برده جديد و مفيد  - إن شاء الله يفيدكم - ماشوفتهوش في الملف اسمه

شبكة الصدّيقة اُم المؤمنين رضوان الله عليها

ده عنوانه

http://siddeqa.com/vb/index.php

..........

عشان لو حد كسل يشوف الملف ممكن أختارلي كام موقع كده منه

و مش معنى اختياري ليهم إنهم أفضل المواقع الموجودة.. أنا بكتب اللي دخلت عليهم قبل كده

ممكن نقول همممممم

من مواقع القرآن الكريم

 quranicaudio.com

و فيه غيرها

..........

منتدى شبابي دعوي .. goodwayinlife.com

manhag.net .. موقع و به منتدى تحت إشراف الشيخ هاني حلمي 

 موقع و به منتدى تحت إشراف الشيخ الدكتور حازم شومان  ...  way2allah.com

موقع تحت إشراف الشيخ الدكتور ياسر برهامي .. salafvoice.com

موقع فيه متابعات لمحاضرات مشايخنا الأفاضل في مصر .. anasalafy.com

موقع فيه حاجات متنوعة .. سواء محاضرات أو فتاوى... islamweb.net

و فيه صفحة مميزة  للأطفال .... kids.islamweb.net 

موقع الشيخ المربي الشيخ محمد حسين يعقوب .. yaqob.com

...........

من مواقع الفتوى .. موقع تحت إشراف الشيخ محمد صالح المنجد .... 
islam-qa.com/ar

..........

موقع يتيح لك البحث عن الأحاديث للتأكد من صحتها قبل نشرها ...dorar.net

انظر هنا كيفية البحث عن صحة الأحاديث ... http://dorar.net/art/98

..........

موقع مفكرة الإسلام .. أخبار .. http://islammemo.cc/

.........

فيه مواقع حلوة و مفيدة تانية كتير

زي طريق الإسلام

موقع و ذكر

و فيه مواقع لمشايخ كتير برده

و غيرها بس الكسل بأى .. ابقوا شوفوا باقي المواقع في الملف إن شاء الله