بسم الله الرحمن الرحيم
الحمد لله رب العالمين و الصلاة و السلام على النبي الأمي الأمين
أما بعد
السلام عليكم و رحمة الله و بركاته
هنا إن شاء الله هايكون مشاركاتنا مع بعض في جمع مواد نعمل بها إسطوانات دعوية
ممكن نشارك بــ
1- إما رابط لمقطع أو درس سواء صوتي أو مرئي
2- إما نقول موضوع .. زي مثلاً نقول نجيب حاجة عن الأخوة في الله في المستوى كذا و أي حد تاني يعرف مقطع أو درس بيتكلم عنها يجيب الرابط بتاعه
3- إما نحط رابط لإسطوانة على النت
4- حد عنده همة عالية .. و عنده اسطوانة كويسة مش موجودة على النت ممكن يرفعهالنا
أمال إيه حكاية التلات مستويات دي؟
هانقسم الإسطوانات على تلات مستويات من حيث مضمونها و التقسيم على أساس الفئة الموجه ليها الإسطوانة
المستوى الاول: ده يكون فيه رقائق بس , من غير حلال و حرام
و ممكن كمان يكون فيه حاجة عن بر الوالدين .. الأخوة في الله .. فضل لبعض الطاعات
و يفضل إن المستوى ده يكون كل المواد اللي فيه مقاطع مش دروس طويلة
المستوى الثاني: ده يكون فيه الحلال و الحرام يعني ممكن فتاوى أو دروس و مقاطع عن بعض المعاصي بالإضافة لمضمون المستوى الأول
بالإضافة إلى حاجة صغيرة تلفت النظر إلى أهمية طلب العلم الشرعي
و أهمية الإهتمام بقضايا المسلمين و العمل لإعلاء كلمة الحق
و ممكن كمان مقطع أو درس عن الولاء و البراء
المستوى الثالث: ده نوعين
النوع الأول: حاجات عن مواجهة الفتن .. حاجات عن الدعوة و فن الدعوة.. عن علو الهمة .. و طبعاً محتاجين رقائق و حاجات لأجل تجديد الإيمان
النوع الثاني: اسطوانات تعليمية .. فوتوشوب .. مونتاج .. و غيرها
يمكن واضح الفئة الموجه ليها كل مستوى
الأول >>> غير الملتزمين
التاني >>> ناس في بداية الإلتزام
التالت >>> الناس اللي نحسبهم على خير ملتزمين و مرجو منهم جهد في الدعوة
و النوع الثاني من المستوى ده >>> هايتعمل عشان الناس اللي عايزين يتعلموا عشان يفيدوا الدعوة بشغلهم
حد عنده أي تعليق .. نصيحة .. اقتراح ؟؟
أعاننا الله و إياكم
حوار مع الشيطان ..مقال لشيخ عائض القرنى
ردحذفمقال رااااااائع
http://www.islamway.com/?iw_s=Article&iw_a=view&article_id=114